Lleoliad y cyfarfod:
Y Siambr - Y Senedd
Dyddiad y
cyfarfod:
Dydd Mawrth,
17 Hydref 2023
Amser y
cyfarfod: 13.30
Gellir gwylio’r cyfarfod ar Senedd TV yn:
http://senedd.tv/cy/13522
------
1 Cwestiynau i'r Prif Weinidog
Dechreuodd yr eitem am 13.30
Gofynnwyd yr 8 cwestiwn cyntaf. Gwahoddodd y Llywydd arweinwyr y pleidiau i ofyn cwestiynau i’r Prif Weinidog ar ôl cwestiwn 2.
2 Datganiad a Chyhoeddiad Busnes
Dechreuodd yr eitem am 14.32
3 Datganiad gan y Gweinidog Cyllid a Llywodraeth Leol: Diweddariad ar Sefyllfa Ariannol 2023-24
Dechreuodd yr eitem am 14.47
4 Datganiad gan Weinidog yr Economi: Datblygu Economaidd Rhanbarthol
Dechreuodd yr eitem am 15.45
5 Datganiad gan y Dirprwy Weinidog Partneriaeth Gymdeithasol: Wythnos Genedlaethol Ymwybyddiaeth o Droseddau Casineb
Dechreuodd yr eitem am 16.25
6 Gorchymyn y Cynllun Masnachu Allyriadau Nwyon Ty Gwydr (Diwygio) (Rhif 2) 2023
Dechreuodd yr eitem am 16.51
NDM8377 Lesley Griffiths (Wrecsam)
Cynnig bod y Senedd, yn unol â Rheol Sefydlog 27.5, yn cymeradwyo bod y fersiwn ddrafft o Orchymyn y Cynllun Masnachu Allyriadau Nwyon Tŷ Gwydr (Diwygio) (Rhif 2) 2023 yn cael ei llunio yn unol â’r fersiwn ddrafft a osodwyd yn y Swyddfa Gyflwyno ar 19 Medi 2023.
Derbyniwyd y cynnig yn unol â Rheol Sefydlog 12.36.
7 Cynnig Cydsyniad Deddfwriaethol ar y Bil Ffyniant Bro ac Adfywio
Dechreuodd yr eitem am 16.53
Gohiriwyd y bleidlais ar y cynnig o dan yr eitem hon tan y Cyfnod Pleidleisio.
NDM8378 Julie James (Gorllewin Abertawe)
Cynnig bod y Senedd, yn unol â Rheol Sefydlog 29.6, yn cytuno y dylai Senedd y DU ystyried y darpariaethau yn y Bil Ffyniant Bro ac Adfywio i’r graddau y maent yn dod o fewn cymhwysedd deddfwriaethol y Senedd.
Gosodwyd Memorandwm Cydsyniad Deddfwriaethol yn y Swyddfa Gyflwyno ar 28 Medi 2022, Memorandwm Cydsyniad Deddfwriaethol Diwygiedig ar 25 Tachwedd 2022, Memoranda Cydsyniad Deddfwriaethol Atodol ar 30 Tachwedd 2022, 27 Ebrill 2023, 16 Awst 2023 a 5 Hydref 2023 yn unol â Rheol Sefydlog 29.2.
Bil Ffyniant Bro ac Adfywio - Senedd y DU
Cynhaliwyd pleidlais ar y cynnig:
O blaid |
Ymatal |
Yn erbyn |
Cyfanswm |
43 |
0 |
13 |
56 |
Derbyniwyd y cynnig.
8 Dadl: Adroddiad Blynyddol 2022-23 Comisiynydd Plant Cymru
Dechreuodd yr eitem am 17.33
Gohiriwyd y bleidlais ar y cynnig a’r gwelliant o dan yr eitem hon tan y Cyfnod Pleidleisio.
NDM8376 Lesley Griffiths (Wrecsam)
Cynnig bod y Senedd:
Yn nodi Adroddiad Blynyddol Comisiynydd Plant Cymru 2022-23.
Adroddiad Blynyddol Comisiynydd Plant Cymru 2022-23
Cyflwynwyd y gwelliant a ganlyn:
Gwelliant 1 Heledd Fychan (Canol De Cymru)
Ychwanegu pwyntiau newydd ar ddiwedd y cynnig:
Yn nodi bod traean o blant yng Nghymru yn byw mewn tlodi rhwng 2019 a 2022, ond yn gresynu bod yr ystadegyn hwn yn dod o gyfnod cyn yr argyfwng costau byw presennol, sy'n golygu bod y gwir ffigur tlodi plant yn debygol o fod yn llawer uwch.
Yn cefnogi galwad y Comisiynydd Plant ar Lywodraeth Cymru i gyhoeddi strategaeth fanwl ar gyfer tlodi plant sy'n cynnwys camau gweithredu, targedau a cherrig milltir penodol ar gyfer cyflawni.
Cynhaliwyd pleidlais ar welliant 1:
O blaid |
Ymatal |
Yn erbyn |
Cyfanswm |
28 |
0 |
29 |
57 |
Fel sy’n ofynnol o dan Reol Sefydlog 6.20, defnyddiodd y Llywydd ei phleidlais fwrw drwy bleidleisio yn erbyn y gwelliant. Felly, gwrthodwyd y gwelliant.
Cynhaliwyd pleidlais ar y cynnig heb ei ddiwygio:
NDM8376 Lesley Griffiths (Wrecsam)
Cynnig bod y Senedd:
Yn nodi Adroddiad Blynyddol Comisiynydd Plant Cymru 2022-23.
Adroddiad Blynyddol Comisiynydd Plant Cymru 2022-23
O blaid |
Ymatal |
Yn erbyn |
Cyfanswm |
56 |
0 |
0 |
56 |
Derbyniwyd y cynnig heb ei ddiwygio
9 Cyfnod pleidleisio
Dechreuodd yr eitem am 18.31
Daeth y cyfarfod i ben am 18.35
Cynhelir Cyfarfod Llawn nesaf y Senedd am 13.30, Dydd Mercher, 18 Hydref 2023